Helge und Värs - Familie M. Steiner
Hauptmenü
Helge und Värs
FASNACHT 2025
Helge & Värs
Mir hän uns letscht Joor wägem ESC gfreud
nur unsre Opi dä het s grad bereud
Är het drum gwettet, wenn d Schwiz das hei bringt
är in däm Kittel do singt
Dr Xaka dä het sich Eigehoor lo iipflanze
im Eric Wäber däm gfallt jetzt das Ganze
Au är wott uff em Kopf wider volls Hoor dä Wicht
well oobe isch är nit ganz dicht
Rächti Parteie die sin scho derbi
und setze für d Wahle voll uff KI
Wenn das dene hilft, denn ka, ganz nääbebi
KI garnit so gschiid si
Är luegt uns aa und het s grad begriffe
dr Zöllner seht mir sin im Dütsche go kiffe
S Guete dra isch, dass es d Wirtschaft nit drifft
well s Boschte hän mir versifft
In Thailand droot Knascht wenn di bim König nit buggsch
z Muttenz zaalsch e Buess falls öbber seht wie du spuggsch
Dr Jung het miesse spugge und e Buess riskiert
är het Dubai-
Dä Schuemacher Ralf seit är sig schwuul
syg wie de wottsch mir finde das cool
Ob är das scho lang isch mir wüsse nit mee
aber händr moll d Exfrau gsee
D Mamme het bim ESC welle singe
si wurd näbem Gwicht au sunscht viil mitbringe
E liebi schöni und luschtigi Frau
und Bartwugs hani au
Dr Opi wott schnäll die 13. AHV Ränte
är schribt dr Baume-
I bruch das Gäld well scho wider in e baar Stund
s neuscht FCB Shirt uuse kunnt
Syg wie de wottsch au mit Hoor zum gruuse
Syg wie de wottsch und loo nur Schissdrägg uuse
Syg wie de wottsch au mit Drägg an de Händ
wirsch zweimool Brésidänt
Die Rächte die schiesse wie Pilz jedes Joor
und eine verschiesst denn sogar e rächts Ohr
Wottsch s friidlig ha denn isch dä Tipp do nit schlächt
seisch deheim Schatz du hesch rächt
Dr Assad isch gflüchtet in s Putinland
mir hän recherchiert s Resultat isch frappant
Si liide beidi mit de gliiche Symptom
am chronische Anus Syndrom
Dr Nemo dä het dr ESC gwunne…
Die Nemo die het dr ESC gwunne…
Das Nemo das het dr ESC gwunne…
D Schwiz die het dr ESC gwunne
ändlig schiint für uns wider d ESC-
Und griege mir bim Dschendere au no dr Rangg
wird uss uns e Spitzebangg